មិនបន្តនៅជាមួយ Chelsea ខ្សែការពារ Thiago Silva វិលទៅរកក្លិបដើម Fluminense

ខ្សែការពារកណ្តាលប្រេស៊ីល Thiago Silva នឹងត្រលប់ទៅកាន់ក្លិបដើមរបស់ខ្លួនកាលពីក្មេងវិញនៅទឹកដីប្រេស៊ីល Fluminense នៅពេលចាកចេញពី Chelsea ក្រោយចប់រដូវកាលនេះ នេះបើតាមការបញ្ជាក់របស់ក្លិបនៅក្របខណ្ឌប្រេស៊ីល Serie A។ Thiago Silva ដែលបានប្រកាសកាលពីខែមុនពីការសំរេចចិត្តចាកចេញពី

Chelsea ក្រោយចំណាយពេលបួនឆ្នាំ នោះ បានចាប់ផ្តើមអាជីពបាល់ទាត់របស់ខ្លួនជាមួយក្លិបដែលមានមូលដ្ឋាននៅទីក្រុង Rio de Janeiro, Fluminense តាំងពីឆ្នាំ 1998 និងធ្លាប់ត្រលប់ទៅ Fluminense ម្តង មុនពេលត្រលប់មកអឺរ៉ុបជាមួយ AC Milan នៅឆ្នាំ 2009។

កីឡាករវ័យ 39 ឆ្នាំដែលធ្លាប់បង្ហាញខ្លួនឱ្យក្រុមជម្រើសជាតិប្រេស៊ីល 113 លើក គឺជាសមាជិករបស់ក្រុមបារាំង Paris Saint Germain ដែលឈ្នះជើងឯកបារាំង Ligue1 7 លើក មុនពេលផ្លាស់មកកាន់ Chelsea ឈ្នះជើងឯក UEFA Champions League ក្នុងរដូវកាលដំបូង។ រយៈពេល 14 ឆ្នាំនៅអឺរ៉ុប Thiago Silva ឈ្នះពានផ្សេងជាមួយក្លិបអាជីពសរុប 30 ពាន។

ចំណែក Chelsea បច្ចុប្បន្នកំពុងឈរលេខ 7 ក្នុងតារាងនៅ​ Premier League រដូវកាលនេះ នៅសល់បីប្រកួតទៀតចប់ រដូវកាល៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com