Barcelona នឹងមិនមាន Yamal ពេលជួប At.Madrid ដោយសាររបួសកជើង

ខ្សែបម្រើស្លាប Barcelona, Lamine Yamal នឹងអវត្តមានពីការប្រកួតសំខាន់ទល់នឹងក្រុមលេខពីរ Atletico Madrid ដោយសាររបួសកជើងអំឡុងបរាជ័យរបស់ Barcelona ក្នុងទឹកដីខ្លួនឯងក្រោមថ្វីជើង Leganes ចុងសប្តាហ៍កន្លងទៅ។

Lamine Yamal ដែលជាសមាជិកសំខាន់របស់ក្រុមជម្រើសជាតិអេស្ប៉ាញដែលឈ្នះជើងឯក

Euro 2024 ត្រូវបានផ្លាស់ប្តូរចេញ 15 នាទីមុនចប់ការប្រកួតកាលពីថ្ងៃសៅរ៍ ខណៈក្លិបបានបញ្ជាក់នៅថ្ងៃចន្ទម្សិលមិញថា របួសកជើងនេះ តម្រូវឱ្យកីឡាករវ័យ 17 ឆ្នាំរូបនេះសម្រាករយៈពេលយ៉ាងហោចណាស់ 4 សប្តាហ៍។ កាលពីខែមុន Lamine Yamal ក៏បានអវត្តមានបីប្រកួតដែរដោយសារបញ្ហាកជើងដូចគ្នា។

ក្រៅពីអវត្តមានពេលជួប Atletico Madrid ថ្ងៃសៅរ៍នេះ Lamine Yamal ក៏នឹងអវត្តមានពេល Barcelona ទៅទឹកដី Barbastro វគ្គ 32 ក្រុមពានរង្វាន់ Copa del Rey និង Athletic Bilbao បានរង្វាន់ Spanish Cup ដើមខែមករាខាងមុខ។

សូមបញ្ជាក់ថា បរាជ័យរបស់ Barcelona កាលពីថ្ងៃសៅរ៍ធ្វើឱ្យ Atletico Madrid តាមស្មើ 38 ពិន្ទុ ហើយក្រុមរបស់លោក Diego Simeone នៅសល់មួយប្រកួតក្នុងដៃថែមទៀត៕