ជំនួបក្របខណ្ឌ NBA របស់ Lakers និង Hornets លើកពេល ដោយសារភ្លើងឆេះព្រៃនៅ LA

សមាគមបាល់បោះអាមេរិក NBA បានសម្រេចលើកពេលការប្រកួតនៅថ្ងៃព្រហស្បតិ៍រវាង LA Lakers និង Charlotte Hornets ក្នុងទីក្រុង Los Angeles ដោយសារតែភ្លើងឆេះព្រៃនៅក្នុងតំបន់។

ភ្លើងឆេះព្រៃដ៏ធំបានបំផ្លាញតំបន់ក្រុង Los Angeles ដោយការឆាបឆេះយ៉ាងសន្ធោសន្ធៅលេងត្របាក់ផ្ទះរបស់ក្រុម

ប្រជាជន និងអាយុជីវិតមនុស្ស។ មន្ត្រីមានសមត្ថកិច្ចបានឱ្យដឹងថា យ៉ាងហោចណាស់មនុស្ស 5 នាក់ត្រូវបានស្លាប់ រចនាសម្ព័ន្ធរាប់ពាន់ត្រូវបានដុតបំផ្លាញ ហើយមនុស្សជិត 180,000 នាក់ត្រូវបានបញ្ជាឱ្យជម្លៀសចេញពីផ្ទះរបស់ពួកគេ។

សារព័ត៌មាន ESPN បានរាយការណ៍កាលពីថ្ងៃព្រហស្បតិ៍ថា គ្រូបង្វឹកក្រុម Lakers លោក JJ Redick បានបាត់បង់ផ្ទះរបស់ខ្លួននៅក្នុងសង្កាត់ Pacific Palisades នៃទីក្រុង Los Angeles ក្នុងគ្រោះអគ្គិភ័យនេះ។

ភ្លើងឆេះព្រៃនៅតំបន់ Palisades Santa Monica និង Malibu នៅផ្នែកខាងលិចនៃទីក្រុង និង Eaton នៅភាគខាងកើតក្បែរ Pasadena គឺជាការបំផ្លិចបំផ្លាញធំបំផុតក្នុងប្រវត្តិសាស្ត្រក្រុង Los Angeles ដោយភ្លើងបានឆាបឆេះលើផ្ទៃដីប្រមាណ 28,000 ហិចតា និងប្រែក្លាយសង្កាត់ទាំងមូលទៅជាផេះ៕