CR7 អាចបន្តជាមួយ Al-Nassr ក្នុងកិច្ចសន្យាថ្មី មានប្រាក់ឈ្នួលខ្ពស់បំផុតលេីលោក

Cristiano Ronaldo ត្រូវបានដឹងថាគ្រោងបន្តជាមួយក្លិបអារ៉ាប៊ីសាអ៊ូឌីត Al-NAssr ខណៈដែលសារព័ត៌មានក្នុងស្រុកបានផ្សាយថា កិច្ចសន្យាថ្មីនឹងធ្វើឱ្យកីឡាករជម្រើសជាតិព័រទុយហ្កាល់រូបនេះក្លាយជាកីឡាករបាល់ទាត់ដែលទទួលបានប្រាក់ឈ្នួលខ្ពស់បំផុតលើលោក។

​Ronaldo បានមកដល់ក្របខណ្ឌលីគកំពូលអារ៉ាប៊ីសាអ៊ូឌីត Saudi Pro League កាលពីខែមករាឆ្នាំ 2023 ហើយក៏ជាការនាំមុខ បើកផ្លូវឱ្យកីឡាករកំពូលៗពីអឺរ៉ុបផ្លាស់ទៅទឹកដីមជ្ឈឹមបូព៌ានេះ។

​បើតាមប្រភពព័ត៌មាននៅអារ៉ាប៊ីសាអ៊ូឌីតឱ្យដឹងថា កិច្ចសន្យាថ្មីដើម្បីរក្សា Ronaldo នៅជាមួយ Al-Nassr នោះ គឺអតីតខ្សែប្រយុទ្ធបិសាចក្រហម Manchester United រូបនេះនឹងទទួលបានប្រាក់ឈ្នួល 210 លានដុល្លារក្នុងមួយរដូវកាល។

​កិច្ចសន្យាចាស់របស់ Ronaldo នៅ Al-Nassr នឹងផុតសុពលភាពនៅដំណាច់រដូវកាលនេះ៕