Jannik Sinner វាយបក 3 សិតផ្ទួន ឡើងជុំបន្ត ក្នុងដំណើរការពារជើងឯក Australian Open

កីឡាករវាយកូនបាល់អ៊ីតាលី Jannik Sinner ត្រូវការប្រកួតបួនសិតដើម្បីយកឈ្នះកីឡាករលំដាប់លេខ 173 ពិភពលោក Tristan Schoolkate បន្តដំណើរការពារជើងឯក Grand Slam, Australian Open។ Sinner ដែលឈ្នជើងឯក Grand Slam លើកដំបូងនៅ Melbourne នេះឆ្នាំមុន មិនដែលចាញ់មួយសិតណា

ឡើយតាំងពីកម្មវិធី Shanghai Masters នៅខែតុលាឆ្នាំមុន។ តែកីឡាករម្ចាស់ផ្ទះអូស្រ្តាលី Schoolkate បានធ្វើឱ្យអ្នកគាំទ្រនៅកីឡដ្ឋាន Rod Laver Arena ភ្ញាក់ផ្អើលក្រោយយកឈ្នះសិតដំបូង 6-4 ដើម្បីបញ្ចប់ជ័យជំនះ 29 សិតជាប់គ្នារបស់កីឡាករអ៊ីតាលី។ យ៉ាងណាក្តី Schoolkate មិនអាចរក្សាលំនឹងរបស់ខ្លួនបានឡើយ ពោលគឺ Jannik Sinner ដែលជាកីឡាករឆ្នើមបំផុតប្រចាំឆ្នាំ 2024 បានយកឈ្នះបីសិតផ្ទួនៗ 6-4 6- និង 6-3 បន្តដំណើរឡើងជុំទីបី។ Jannik Sinner បច្ចុប្បន្នវ័យ 23 ឆ្នាំជាកីឡាករវ័យក្មេងបំផុតដែលឈ្នះនៅ Australian Open នេះ 9 ប្រកួតជាប់គ្នាបន្ទាប់ពី Novak Djokovic ដែលធ្វើបានចន្លោះឆ្នាំ 2008 និង 2009។ ជុំទីបី Jannik Sinner នឹងបន្តជួបជាមួយកីឡាករអាមេរិក Marcos Giron នៅថ្ងៃសៅរ៍ស្អែកនេះ៕