Al-Nassr ជះលុយ 65​លានអឺរ៉ូ ដេីម្បីយក Mitoma តែ Brighton បដិសេធ

ក្លិបបាល់ទាត់អង់គ្លេស Brighton បានបដិសេធសំណើពីក្លិបអារ៉ាប៊ីសាអ៊ូឌីត Al-Nassr តម្លៃផ្ទេរដ៏ច្រើនមួយក្នុងការចង់បានខ្សែបម្រើជប៉ុន Kaoru Mitoma។ សំណើនេះត្រូវបានគេដឹងថាមានតម្លៃដល់ទៅ 65 លានអឺរ៉ូ រឺជាង 54 លានផោន តែទោះតម្លៃណាក៏ដោយ Brighton មិនមានបំណងលក់កីឡាករនាំលេងវ័យ 27 ឆ្នាំ រូបនេះឡើយ។

យ៉ាងណាក្តីសារព័ត៌មានអង់គ្លេសបានចុះផ្សាយថា A-Nassr នឹងបញ្ជូនសំណើថ្មីដែលមានតម្លៃច្រើនជាងនេះ។ Kaoru Mitoma កាលពីឆ្នាំ 2023 ទើបបានចុះហត្ថលេខាបន្តកិច្ចសន្យាដែលមានសុពលភាពដល់ឆ្នាំ 2027។ កីឡាករវ័យ 27 ឆ្នាំរូបនេះបានផ្លាស់មកកាន់ Brighton នៅឆ្នាំ 2021 ពីក្លិបជប៉ុន Kawasaki Frontale។ រយៈពេលបួនឆ្នាំមកនេះ Mitoma បង្ហាញខ្លួននៅ Brighton បាន 92 ប្រកួតស៊ុតបញ្ចូលទី 18 គ្រាប់ ហើយរូបគេជាកីឡាករតែម្នាក់គត់របស់ Brighton ដែលបង្ហាញខ្លួនពេញ 23 ប្រកួតនៅ Premier League រដូវកាលនេះ។ Al-Nassr ដែលមានវត្តមាន Cristiano Ronaldo, Sadio Mane និង AymericLaporte នោះ ត្រូវបានគេដឹងថា កៀកនឹងការសម្រេចនាំយកខ្សែប្រយុទ្ធ Aston Villa, Jhon Duran ដែលមានតម្លៃផ្ទេរ 65 លានផោន៕