Carlos Alcaraz ឈ្នះ Alex de Minaur គ្រងជើងឯក Rotterdam Open

កីឡាករវាយកូនបាល់កំពូលរបស់អេស្ប៉ាញ Carlos Alcaraz បានយកឈ្នះការប្រកួតវគ្គផ្តាច់ព្រ័ត្រដ៏តានតឹងលើ កីឡាករអូស្រ្តាលី Alex de Minaur ដើម្បីគ្រងជើងឯក Rotterdam Open និងជាជើងឯកវាយកូនបាល់ក្នុងសាលលើកដំបូងក្នុងអាជីព។ ​នេះជាជើងឯកក្របខណ្ឌ ATP Tour លើកទី17 សម្រាប់កីឡាករវ័យ 21ឆ្នាំ

រូបនេះ តែជាជើងឯកដំបូងក្រោយខកខានតាំងពីខែកញ្ញាឆ្នាំមុនដែលឈ្នះនៅទីក្រុងប៉េកាំងប្រទេសចិន។ ​ជើងឯក Grand Slam បួនលើក Carlos Alcaraz ត្រូវធ្វើការងារធ្ងន់ដើម្បីជ័យជំនះលើកនេះ បន្ទាប់ពីកីឡាករលំដាប់លេខបី Alex de Minaur យកឈ្នះសិតទីពីរ ត្រូវលេងសិតកាត់សេចក្តី។ ​យ៉ាងណាក្តី Break-Point របស់ Alcaraz នៅហ្គេមទី 6 នៃសិតចុងក្រោយគ្រប់គ្រាន់ដើម្បីជ័យជំនះសរុបលទ្ធផលចុងក្រោយ 6-4 3-6 និង 6-2។ ​ម្ចាស់ជើងឯក Grand Slam, French Open, Wimbledon ឆ្នាំមុននិង US Open ឆ្នាំ 2022 Carlos Alcaraz កាលពីខែមករាកន្លងទៅធ្លាក់នៅវគ្គ 8 ក្រុមចុងក្រោយក្រោមស្នាដៃ Novak Djokovic នៅ Australian Open។ ​ចំណែកឯ Alex de Minaur បរាជ័យនៅពេលនេះគឺជាលើកទីពីរឆ្នាំជាប់គ្នានៅ Rotterdam Open នេះបន្ទាប់ពីចាញ់នៅវគ្គផ្តាច់ព្រ័ត្រឆ្នាំមុនក្រោមស្នាដៃកីឡាករលេខមួយពិភពលោក Jannik Sinner៕