Half-Time Show នឹងមានក្នុងវគ្គផ្តាច់ព្រ័ត្រ World Cup 2026 នៅអាមេរិក

ការប្រកួតវគ្គផ្តាច់ព្រ័ត្រ FIFA World Cup 2026 នឹងការប្រគុំតន្រ្តីកំសាន្តនៅពេលសម្រាកវគ្គទីមួយ នេះបើតាមការបញ្ជាក់របស់ប្រធាន FIFA លោក Gianni Infantino។ ព្រឹត្តិការណ៍ World Cup 2026 ក្រោមរូបមន្តថ្មីមានក្រុមចូលរួមសរុប 48 នាក់ រៀបចំនៅសហរដ្ឋអាមេរិក ម៉ិកស៊ិក និងកាណាដា ចាប់ផ្តើមពីថ្ងៃទី11

ខែមិថុនា ដល់ថ្ងៃទី 19 ខែកក្កដា ឆ្នាំ 2026 រួមមានសរុប 104 ប្រកួតច្រើនជាងព្រឹត្តិការណ៍មុនៗដែលមានត្រឹម 64 ប្រកួត។ វគ្គផ្តាច់ព្រ័ត្រនឹងធ្វើឡើងនៅកីឡដ្ឋាន MetLife នៃរដ្ឋ New Jersey ដែលជាទឹកដីរបស់ក្លិប NFL, New York Giants និង New York Jets។ ជាពិសេសនោះគឺការសម្រាកវគ្គទីមួយនៃវគ្គផ្តាច់ព្រ័ត្រនោះ នឹងមានការកំសាន្តប្រគុំតន្រ្តីរឺហៅថា Half Time Show ។ យ៉ាងណាក្តី មិនទាន់មានការបញ្ជាក់ថាតើតារាចម្រៀងរូបណានឹងមានវត្តមាននៅពេលនោះនៅឡើយ។ Half Time Show ជាកម្មវិធីដែលផ្សាយនៅលើទូរទស្សន៍ដែលមានប្រជាប្រិយភាពបំផុត តាមរយៈចំនួនអ្នកមើលផ្ទាល់ និងនៅលើទូរទស្សន៍ច្រើនលើសលុប។ កន្លងទៅការប្រគុំតន្ត្រី និងកម្មវិធីកំសាន្តពេលចប់វគ្គទីមួយនៅវគ្គផ្តាច់ព្រ័ត្រ Super Bowl របស់អាមេរិកថ្មីៗនេះ មានអ្នកមើលសរុបនៅលើប្រព័ន្ធអនឡាយ 133 លាន ដែលមានវត្តមានតារាចម្រៀងល្បីម្ចាស់ពាន Grammy, Kendrick Lamar៕