វិភាគការប្រកួត UEFA Women’s Nations League រវាងម្ចាស់ផ្ទះអាឡឺម៉ង់ vs ស្កុតឡេន

យប់នេះ ក្រុមនារីអាឡឺម៉ង់នឹងប៉ះស្កុតឡែនក្នុងពូល A1 ដែលជាការជួបគ្នានៅ League A នៃពានរង្វាន់ UEFA Women’s Nations League ដោយក្រុមទាំងពីរចង់បន្តក្ដីស្រមៃរបស់ពួកគេ ដើម្បីលើកពានលីគកំពូល។ ការប្រកួតនេះនឹងក្លាយជាការជួបគ្នាដ៏រំភើប ជាមួយនឹងទម្រង់លេង កីឡាការិនីសំខាន់ៗ

និងការប្រជែងគ្នាដ៏ស្វិតស្វាញ។ ខាងក្រោមនេះ ជាការវិភាគក្នុងការប៉ះគ្នារវាងក្រុមទាំង 2 ។ ទម្រង់បច្ចុប្បន្ន អាល្លឺម៉ង់ចូលមកក្នុងការប្រកួតនេះដោយមានសន្ទុះគួរឱ្យចាប់អារម្មណ៍។ ជើងឯករង FIFA Women’s World Cup ឆ្នាំ 2023 បានបង្ហាញពីភាពស៊ីសង្វាក់គ្នារបស់ពួកគេ ក្នុងប៉ុន្មានខែថ្មីៗនេះ។ ជាមួយនឹងការរួមបញ្ចូលគ្នានៃកីឡាការិនីមានបទពិសោធន៍ និងតារាកំពុងលេចធ្លោមួយចំនួនធំ ធ្វើឲ្យអាឡឺម៉ង់ក្លាយជាក្រុមគួរឲ្យបារម្ភមួយនៅលើឆាកអន្តរជាតិ។ ទម្រង់លេងបច្ចុប្បន្នរបស់ពួកគេនៅក្នុង Nations League មានភាពរឹងមាំ ថ្វីបើមានលទ្ធផលចម្រុះគ្នាថ្មីៗនេះក្នុងការប្រកួតមិត្តភាពក៏ដោយ ក៏ភាពស៊ីជម្រៅ និងយុទ្ធសាស្ត្ររបស់ក្រុមអាល្លឺម៉ង់ក្រោមការដឹកនាំរបស់គ្រូបង្វឹក Martina Voss-Tecklenburg ធ្វើឱ្យពួកគេក្លាយជាក្រុមដែលមានភាគរយខ្ពស់នៅយប់នេះ។ ងាកទៅស្កុតឡេនវិញ ពួកគេប្រឹងប្រែងយ៉ាងខ្លាំង តែទម្រង់លេងពុំសូវមានស្ថិរភាពនោះទេ។ បែបនេះក្ដី ពួកគេបានបោះជំហានយ៉ាងខ្លាំងក្នុងការអភិវឌ្ឍសមត្ថភាព ជាពិសេសភាពស៊ីចង្វាក់ និងកម្លាំងនៅតំបន់កណ្តាល។ ទោះបីជាយ៉ាងណាក៏ដោយ ពួកគេបានធ្វើឱ្យមានការចាប់អារម្មណ៍ក្នុងអំឡុងពេលការប្រកួតជម្រុះ World Cup ឆ្នាំ 2023 ហើយមានក្រុមកីឡាការិនីដ៏ឆ្នើមៗ ដែលតែងតែត្រៀមខ្លួនបង្ហាញពីគុណផលខ្ពស់របស់ពួកគេ។ ទោះពុំសូវមានប្រៀបលើអាឡឺម៉ង់ក៏ដោយ ប្រកួតនេះស្កុតឡេននឹងបង្ហាញសមត្ថភាពពួកគេទល់នឹងក្រុមខ្លាំង។

កីឡាការិនីដែលមិនត្រូវមើលរំលង

សម្រាប់ប្រទេសអាឡឺម៉ង់ Alexandra Popp នឹងក្លាយជាតួអង្គសំខាន់។ ខ្សែប្រយុទ្ធជើងចាស់រូបនេះ ជាអ្នកស៊ុតបញ្ចូលទីស្ទើរគ្រប់ប្រកួត និងជាអ្នកដឹកនាំលេងនៅលើទីលានផងដែរ។ បទពិសោធ និងសមត្ថភាពរបស់ Popp ធ្វើឱ្យនាងក្លាយជាកម្លាំងគំរាមកំហែងឥតឈប់ឈរលើតំបន់ការពារគូប្រជែង។ បន្ថែមលើនេះ ខ្សែបម្រើ Lena Oberdorf បានជួយបង្កើនភាពរឹងមាំក្នុងការការពារ និងការវាយបកប្រកបដោយភាពច្នៃប្រឌិត។ នៅខាងស្កុតឡេនឯណោះវិញ Kim Little ជាកីឡាការិនីលេចធ្លោម្នាក់។ នាងមានសមត្ថភាពក្នុងការគ្រប់គ្រងហ្គេមជាមួយនឹងចក្ខុវិស័យ ដែលឥទ្ធិពលរបស់ Little អាចនឹងធ្វើឱ្យអាឡឺម៉ង់ខកចិត្ត។ កីឡាការិនីម្នាក់ទៀត ដែលត្រូវតាមដានគឺ Erin Cuthbert ដែលល្បឿនលឿន និងបច្ចេកទេសខ្ពស់ ដែលអាចបង្កើតបញ្ហាសម្រាប់តំបន់ការពារគ្រប់ពេល។ វត្តមានរបស់ Cuthbert ក្នុងតំបន់ប្រយុទ្ធ នឹងជាកម្លាំងដ៏សំខាន់ចំពោះការស្វែងរកជោគជ័យរបស់ស្កុតឡែនក្នុងការប្រកួតនេះ។

ប្រវត្តិជួបគ្នា

ក្នុងការជួបគ្នាលើកមុនរបស់ពួកគេ អាល្លឺម៉ង់បានទទួលបានកំណត់ត្រាដ៏លេចធ្លោមួយលើស្កុតលែន។ អាល្លឺម៉ង់រកបានជ័យជម្នះភាគច្រើនក្នុងប៉ុន្មានប្រកួតចុងក្រោយរបស់ពួកគេ។ ការជួបគ្នាចុងក្រោយ ជាជំនួបមិត្តភាពក្នុងឆ្នាំ 2022 អាល្លឺម៉ង់ទទួលបានជ័យជម្នះ 2-1 ។ គេមើលឃើញថា បច្ចេកទេសដ៏អស្ចារ្យរបស់អាឡឺម៉ង់ ជាពិសេសនៅតំបន់កណ្តាល និងតំបន់ប្រយុទ្ធ គឺជាកត្តាសំខាន់ក្នុងភាពជោគជ័យរបស់ពួកគេទល់នឹងស្កុតឡេន។ ទោះជាយ៉ាងណាក៏ដោយ ស្កុតឡេនសង្ឃឹមថានឹងបំបែកកំណត់ត្រាចាញ់របស់ពួកគេ ហើយទាញយកអត្ថប្រយោជន៍ពីការភ្លាត់ស្នៀតណាមួយពីក្រុមអាល្លឺម៉ង់។

របៀបលេង

ស្ទីលនៃការលេងរបស់អាឡឺម៉ង់ត្រូវបានបង្កើតឡើងដោយមានតុល្យភាពល្អ ទាំងការរៀបចំ និងការវាយលុក។ អាឡឺម៉ង់ផ្លាស់ប្តូររហ័ស ដាក់សម្ពាធខ្ពស់ និងលេងដោយមានភាពរលូន ដូចនេះពួកគេអាចនឹងគ្រប់គ្រងបាល់ច្រើន និងបង្ខំឲ្យស្កុតឡែនប្រើកម្លាំងការពារច្រើន។ ខ្សែការពារដ៏រឹងមាំរបស់គេ ជាពិសេស Giulia Gwinn នឹងជួយបានកាន់តែច្រើន ខណៈដែលខ្សែបម្រើ Oberdorf ជាសមាជិកសំខាន់មិនអាចខ្វះបាន។ ចំណែកស្កុតឡេនវិញ ក្រោមការដឹកនាំរបស់គ្រូបង្វឹក Pedro Martinez Losa ពួកគេប្រកាន់យកទម្រង់វាយបក ដែលមានវិន័យជាងមុន។ ពួកគេទំនងជាលេងការពារច្រើន ហើយដាក់សម្ពាធយកបាល់ រួចស្វែងរកឱកាសវាយបករហ័ស។ ល្បឿនរបស់ Cuthbert និងភាពច្នៃប្រឌិតរបស់ Little នឹងក្លាយជាចំណុចសំខាន់។

ការទស្សន៍ទាយ អាល្លឺម៉ង់ 2-0 ស្កុតឡែន