Rashford អាចត្រូវ Man Utd ស្នើរ Aston ដូរគ្នាយក Olie Watkins មកវិញ

ក្លិបបិសាចក្រហម Manchester United ត្រូវបានគេដឹងថា កំពុងពិចារណាក្នុងការដោះដូរខ្សែប្រយុទ្ធអង់គ្លេសទាំងពីរ Marcus Rashford និង Olie Watkins នៅរដូវក្តៅខាងមុខ។ Rashford បច្ចុប្បន្នកំពុងស្ថិតក្នុងកិច្ចសន្យាខ្ចីជើងលេងឱ្យ Aston Villa ដល់ដំណាច់រដូវកាល តែក៏មិនទាន់ដឹងថា កីឡាករអង់គ្លេសរូបនេះចង់ត្រលប់មក

Old Trafford រឺអត់ក្រោមការដឹកនាំរបស់អ្នកចាត់ការ Ruben Amorim។ កីឡាករវ័យ 27 ឆ្នាំរូបនេះបានស៊ុតបញ្ចូលទីមួយគ្រាប់ និងប៉ះបញ្ជូនប្រាំតាំងពីផ្លាស់ទៅកាន់ Villa Park កាលពីខែមករា។ កិច្ចសន្យាខ្ចីនេះដែរ មិនមានភ្ជាប់ជាមួយលក្ខខណ្ឌទិញផ្តាច់ឡើយតែ Manchester United ធ្លាប់បានបង្ហើបពីតំលៃលក់ចេញរបស់ Rashford ក្នុងរង្វង់ 40 លានផោន។ ទម្រង់លេងរបស់ Rashford ក៏បានទាក់ចិត្តអ្នកចាត់ការ Aston Villa លោក Unai Emery ផងដែរ ហើយក៏បានឡើងមកឈរជម្រើសដំបូងផងដែរ ខណៈ Olie Watkins ស្ថិតនៅបម្រុងវិញ។ ការនេះធ្វើឱ្យ Aston Villa ត្រូវពិចារណាពីអនាគតរបស់អ្នកទាំងពីរ ស្របពេលដែល Manchester United ត្រូវការខ្សែប្រយុទ្ធជួរមុខ ខណៈដែល Rasmus Hojlund និង Joshua Zirkzee ហាក់មិនមានទម្រង់លេងល្អគ្រប់គ្រាន់។ Olie Watkins ក៏ស្ថិតក្នុគោលដៅររបស់កាំភ្លើងធំ Arsenal ផងដែរ តែអ្វីៗស្ថិតលើការសម្រេចរបស់កីឡាករវ័យ 29 ឆ្នាំរូបនេះជុំវិញអនាគតរបស់ខ្លួន។ Olie Watkins គិតមកដល់ពេលរកបាន 15 គ្រាប់ក្នុងចំណោម 47 ប្រកួតរបស់ Aston Villa គ្រប់ក្របខណ្ឌ រដូវកាលនេះ៕