ខ្សែការពារអេស្ប៉ាញ Huijsen ទាក់ចិត្ត Real ឲ្យចាយលុយ 50 ផោនផ្ដាច់កុងត្រាពី Bournemouth

ក្លិបបាល់ទាត់អេស្ប៉ាញ Real Madrid បានឈានដល់កិច្ចព្រមព្រៀងហើយក្នុងតម្លៃផ្តាច់កិច្យសន្យា 50 លានផោនទៅកាន់ Bournemouth ដើម្បីនាំយកខ្សែការពារអេស្ប៉ាញ Dean Huijsen។ កីឡាករជម្រើសជាតិអេស្ប៉ាញវ័យ 20 ឆ្នាំរូបនេះក៏កៀកនឹងកិច្ចព្រមព្រៀងផ្ទាល់ខ្លួនផងដែរជាមួយ Real Madrid

បន្ទាប់ពីធ្លាប់បដិសេធសំណើពីក្លិបធំៗនៅអង់គ្លេសដូចជា Arsenal និង Liverpool ជាដើម។ កិច្ចសន្យាផ្ទេរកីឡាករវ័យ 20 ឆ្នាំរូបនេះ ក៏អមជាមួយនឹងចំណងជាមួយអតីតក្លិបផងដែរ ពោលគឺប្រាក់ផ្ទេររបស់ Real Madrid នឹងត្រូវបែងចែក 10% ទៅ Juventus និង 5% ទៅ Malaga។ Real Madrid ត្រូវបានគេដឹងថា ចង់ឱ្យសម្រេចកិច្ចសន្យាផ្ទេរ Dean Huijsen ឱ្យបានកាន់តែឆាប់កាន់តែល្អ ធ្វើយ៉ាងណាឱ្យបានមុន FIFA Club World Cup ខែក្រោយ ស្របពេលដែល Real Madrid ក៏កៀកនឹងទទួលបានអ្នកចាត់ការថ្មី Xabi Alonso មកជំនួសតំណែងលោក Carlo Ancelotti ដែលនឹងចាកចេញទៅដឹកនាំក្រុមជម្រើសជាតិប្រេស៊ីល។ ការផ្លាស់ទៅកាន់ទឹកដីកំណើតអេស្ប៉ាញរបស់ខ្លួនតែងតែជាជម្រើសទីមួយសម្រាប់ Dean Huijsen ដែលធ្លាប់បង្ហាញខ្លួនដំបូងជាមួយក្រុមជម្រើសជាតិអេស្ប៉ាញនៅ Euro 2024 នៅពេលយកឈ្នះហូឡង់៕