ទុក្ខជាន់ទុក្ខ! Kai Havertz រហែកសរសៃ​ Arsenal អាចនឹងគ្មានគេដល់ចប់រដូវកាល

ខ្សែប្រយុទ្ធ Arsenal, Kai Havertz អាចនឹងត្រូវសម្រាកដល់ចប់រដូវកាលនេះ ក្រោយរងរបួសដាច់រហែកសសៃពួរ អំឡុងការហ្វឹកហាត់។ ​សារព័ត៌មានបាល់ទាត់អង់គ្លេស The Athletic បានចុះផ្សាយថា កីឡាករវ័យ 25 ឆ្នាំរូបនេះបានរងរបួសអំឡុងការហ្វឹកហាត់ក្រោមអាកាសធាតុក្តៅមធ្យមនៅជំរុំហ្វឹកហាត់លើទឹកដីកាតា

ហើយក៏មិនទាន់ច្បាស់ថារបួសនេះត្រូវការវះកាត់រឺអត់។ ​Kai Havertz បច្ចុប្បន្នគឺជាកីឡាករស៊ុតបញ្ចូលទីច្រើនជាងគេរបស់ Arsenal រដូវកាលនេះរកបាន 15 គ្រាប់គ្រប់ក្របខណ្ឌ។ ​របួសរបស់ Havertz បានធ្វើឱ្យអ្នកចាត់ការ Mikel Arteta កាន់តែឈឺក្បាល បន្ទាប់ពីកីឡាករសំខាន់ៗផ្សេងទៀតមានរបួសរួមមាន Gabriel Jesus, Bukayo Saka និង Gabriel Martinelli។ ​កីឡាករសំខាន់ៗជួរមុខសុទ្ធតែរបួសមានន័យថា Leandro Trossard កីឡាករខ្ចីពី Chelsea, Raheem Sterling និងកីឡាករយុវជន Ethan Nwaneri គឺជាជម្រើសចុងក្រោយ។ ​Arsenal បច្ចុប្បន្នបានធ្លាក់ពីការប្រកួតក្នុងស្រុកពីររួមមាន FA Cup និង Carabao Cup តែកំពុងឈរលេខពីរនៅ Premier League តាមពីក្រោយ Liverpool 6 ពិន្ទុ និងមានកៅអីនៅវគ្គ 16 ក្រុមចុងក្រោយ Champions League៕