Aryna Sabalenka គ្រងជើងឯក Miami Open ក្រោយឈ្នះ Jessica Pegula

កីឡាការិនីលេខមួយពិភពលោក Aryna Sabalenka ដណ្តើមបានជើងឯកទីពីរក្នុងឆ្នាំ 2025 នេះក្រោយយកឈ្នះកីឡាការិនីម្ចាស់ផ្ទះអាមេរិក Jessica Pegula គ្រងជើងឯក Miami Open។ ជំនួបសិតទីមួយដ៏តានតឹង គេឃើញមានការវាយយកពិន្ទុ Break Point ដល់ទៅ 7 លើក មុនពេលដែលកីឡាការិនីបេឡារុសយកឈ្នះបាន

ដោយពិន្ទុ 7-5។ ឈានចូលសិតទីពីរ មិនជាតានតឹងប៉ុន្មានឡើយខណៈដែល Sabalenka យកឈ្នះដាច់ 6-2។ នេះជាជើងឯកទីពីរសម្រាប់កីឡាការិនីវ័យ 26 ឆ្នាំរូបនេះក្នុងឆ្នាំ 2025 នេះបន្ទាប់ពីឈ្នះជើងទីមួយកាលពីខែមករាកម្មវិធី Brisbane International នៅអូស្រ្តាលី។ មុនមកដល់វគ្គនេះ Aryna Sabalenka បានរងបរាជ័យនៅវគ្គផ្តាច់ព្រ័ត្រពីរកម្មវិធីរួចមកហើយ ពោលគឺចាញ់ Madison Keys នៅ Australian Open និងចាញ់កីឡាការិនីវ័យក្មេងរុស្ស៊ី Mirra Andreeva នៅ Indian Wells ពីរសប្តាហ៍មុន។ សម្រាប់ការប្រកួតនៅ Miami Open នេះ Sabalenka មិនចាញ់មួយសិតណាឡើយពោលគឺយកឈ្នះអតីតជើងឯក Danielle Collins នៅវគ្គ 16 នាក់ចុងក្រោយ ឈ្នះកីឡាការិនីចិន Zheng Qinwen នៅវគ្គ 8 នាក់ចុងក្រោយ និងឈ្នះកីឡាការិនីអ៊ីតាលី Jasmine Paolini នៅវគ្គពាក់កណ្តាលផ្តាច់ព្រ័ត្រ៕