Aston Villa ខ្ចីជើង Marco Asensio ពី PSG រហូតដល់ចប់រដូវកាល

ក្លិបបាល់ទាត់ Aston Villa បានបំពេញរួចរាល់ក្នុងការនាំយកខ្សែបម្រើអេស្ប៉ាញ Marco Asensio មកកាន់ Villa Park ក្នុងកិច្ចសន្យាខ្ចីជើងពី Paris Saint Germain ដល់ចប់រដូវកាល។ កីឡាករវ័យ 29 ឆ្នាំរូបនេះបានចូលរួមជាមួយក្លិបយក្សបារាំង PSG ដោយគ្មានតម្លៃផ្ទេរនៅខែកក្កដាឆ្នាំ 2023 ក្រោយចំណាយពេល 8 ឆ្នាំ

ជាមួយ Real Madrid ឈ្នះជើងឯក UEFA Champions League បីលើក La Liga បីលើក និងឈ្នះជើងឯកក្នុងស្រុកពីរទៀតក្នុងរដូវកាលដំបូងជាមួយ PSG។ Marco Asensio ដែលបង្ហាញខ្លួនបាន 38 ប្រកួតឱ្យក្រុមជម្រើសជាតិអេស្ប៉ាញនោះ បានស៊ុតបញ្ចូលទីពីរគ្រាប់ រដូវកាលនេះក្នុងការបង្ហាញខ្លួន 16 ប្រកួតឱ្យ PSG តែ 8 ប្រកួតចុងក្រោយនៅក្នុងលីគ Asensio លេងបានត្រឹម 18 នាទីប៉ុណ្ណោះ ក្រោមការដឹកនាំរបស់លោក Luis Enrique។ Aston Villa កំពុងឈរលេខ 8 នៅ Premier League និងបានកក់កៅអីវគ្គ 16 ក្រុមចុងក្រោយ Champions League រួចរាល់។ Aston Villa មុននេះក៏សម្រេចបានក្នុងការនាំយក Marcus Rashford ពី Manchester United ក្នុងលក្ខខណ្ឌខ្ចី និង ខ្ចីបាន Axel Disasi ពី Chelsea ផងដែរ៕