Bayer Leverkusen បង្កើតប្រវត្តិមិនចាញ់សោះ 1រដូវកាល នៅក្របខណ្ឌ Bundesliga

ក្រុមបាល់ទាត់ Bayer Leverkusen បានក្លាយជាក្លិបដំបូងនៅ Bundesliga ដែលមិនចាញ់សោះពេញមួយរដូវកាល ក្រោយយកឈ្នះ Augsburg 2-1 ប្រកួតចុងក្រោយបិទរដូវកាលចុងសប្តាហ៍កន្លងទៅ។

ក្រុមរបស់លោក Xabi Alonso បានដឹងថាជាជើងឯកតាំងពីដើមខែម្ល៉េះ តែពួកគេត្រូវគេចពីបរាជ័យឱ្យបានដើម្បី បង្កើតប្រវត្តិសាស្រ្ត

បាល់ទាត់អាល្លឺម៉ង់។ ជ័យជំនះរបស់ Leverkusen កាលពីថ្ងៃសៅរ៍ មានន័យថា 51 ប្រកួតគ្រប់ក្របខណ្ឌរដូវកាលនេះមិនដែលចាញ់ ខណៈពួកគេក៏បន្តក្តីសង្ឃឹមឈ្នះពានបីក្នុងមួយរដូវកាលផងដែរនៅពេលជួប Kaiserslautern វគ្គផ្តាច់ព្រ័ត្រ German Cup និងជួប Atalanta វគ្គផ្តាច់ព្រ័ត្រ UEFA Europa League។

Leverkusen នឹងត្រូវជួប Atalanta នៅយប់ថ្ងៃពុធនេះនៅទីក្រុង Dublin សាធារណៈរដ្ឋអៀកឡង់ មុនបន្តជួប Kaiserslautern ចុងសប្តាហ៍នេះ។

ក្រោយការប្រកួតកាលពីថ្ងៃសៅរ៍ Leverkusen បានអបអរជើងឯក Bundesliga ក្នុងទឹកដីរបស់ខ្លួន ជាមួយនឹងជយជំនះ 28 ប្រកួតក្នុងលីគ ស្មើ 6 ប្រកួតមិនដែលចាញ់។ ចំណែកឯជើងឯក 11 សម័យជាប់គ្នា Bayern Munich បែជាបរាជ័យនៅទឹកដី Hoffenheim ថ្ងៃចុងក្រោយ 4-2 ធ្វើឱ្យក្រុមរបស់លោក Thomas Tuchel ធ្លាក់ទៅលេខបី ខណៈ Stuttgart ឡើងមកលេខពីរក្រោយឈ្នះ Borussia Monchengladbach 4-0 ៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com