Bayern Munich ប្រារព្ធពិធីអបអរខួប 125 ឆ្នាំរបស់ក្លិប

ក្លិបបាល់ទាត់អាល្លឺម៉ង់ FC Bayern Munich បានអបអរខួប 125 ឆ្នាំនៃការបង្កើតឡើងរបស់ក្លិបតាំងពីថ្ងៃទី 27 ខែកុម្ភៈឆ្នាំ 1900 ។ Bayern Munich មកទល់ពេលនេះ ជាក្លិបជោគជ័យបំផុតនៅអាល្លឺម៉ង់ដោយឈ្នះជើងឯកលីគកំពូលអាល្លឺម៉ង់សរុប 33 លើក អាល្លឺម៉ង់ខាប់ 10 លើក និងជើងឯកអឺរ៉ុប 6 លើក។

Bayern Munich បានឈ្នះជើងឯកអាល្លឺម៉ង់ 10 រដូវកាលជាប់គ្នារាប់ពីឆ្នាំ 2013 ដល់ 2023 ។ រដូវកាលមុន Leverkusen បានបង្អាក់ដំណើរឈ្នះជើងឯកជាប់គ្នារបស់ Bayern Munich ក្រោយមិនដែលចាញ់សោះពេញមួយរដូវកាលមិនគួរឱ្យជឿ។ យ៉ាងណាក្តីរដូវកាលនេះ Bayern Munich កំពុងកាន់កាប់កំពូលតារាងជាមួយនឹង 58 ពិន្ទុ នាំមុខដាច់ Leverkusen 8 ពិន្ទុ ខណៈដែលក្រុមទាំងពីរក៏នឹងត្រូវជួបគ្នានៅវគ្គ 16 ក្រុមចុងក្រោយ UEFA Champions League ផងដែរ៕