ខ្សែបម្រើប្រេស៊ីល Casemiro កំពុងទទួលការចាប់អារម្មណ៍ពី Roma

ក្លិបបាល់ទាត់អ៊ីតាលី AS Roma ត្រូវបានគេដឹងថា បានធ្វើទំនាក់ទំនងមកកាន់ក្លិបបិសាចក្រហម Man Utd ជុំវិញការចរចាចង់បានខ្សែបម្រើជើងចាស់ប្រេស៊ីល Casemiro ទៅកាន់ទឹកដីអ៊ីតាលី។ បើតាមការចុះផ្សាយពីអ្នកសារព័ត៌មានអ៊ីតាលី Gianluca Di Marzio ថាអតីតខ្សែបម្រើ Real Madrid ក៏បានបើកចំហរបេះដូងរបស់ខ្លួន

ក្នុងការផ្ទេរទៅកាន់ក្របខណ្ឌអ៊ីតាលី Serie A ដែរ ស្របពេលដែល Man Utd ក៏បានដាក់ជម្រើសឱ្យខ្ចីរហូតដល់ចប់រដូវកាលផងដែរ។ តាមពិតទៅ Manchester United គ្រោងលក់ចេញកីឡាករវ័យ 32 ឆ្នាំរូបនេះក្នុងខែមករានេះ តែមិនទាន់ទទួលបានសំណើសមរម្យណាមួយនៅឡើយ ដូច្នេះលក្ខខណ្ឌខ្ចីជាជម្រើសមួយទៀត។ បើតាមអ្នកសារព័ត៌មានដដែលឱ្យដឹងថា Roma នឹងព្យាយាមយក Casemiro មកកាន់ទីក្រុងរ៉ូមឱ្យបានក្នុងខែមករានេះ ប្រសិនបើការផ្ទេរខ្សែបម្រើជ័យលាភី World Cup ជាមួយអាហ្សង់ទីន Leandro Peredes ជោគជ័យ។ Leandro Peredes ត្រូវបានគេដឹងថា មានទំនាក់ទំនងផ្ទេរត្រលប់ទៅកាន់ទឹកដីកំណើតអាហ្សង់ទីនរបស់ខ្លួនវិញ ជាមួយក្លិបបាល់ទាត់ Boca Junior។ រំលឹកថា Casemiro បានមកកាន់ Old Trafford កាលពីឆ្នាំ 2022 ក្នុងតម្លៃផ្ទេរ 60 លានផោនពី Real Madrid ដោយទទួលបានប្រាក់ឈ្នួលក្នុងមួយឆ្នាំ 11.5 លានផោន៕