សាលក្រមអតីតប្រធាន FIFA និងអតីតប្រធាន UEFA Michel Platini ប្រកាសនៅថ្ងៃនេះ

អតីតប្រធាន FIFA លោក Sepp Blatter និងអតីតប្រធាន UEFA លោក Michel Platini នឹងបង្ហាញខ្លួននៅចំពោះមុខតុលាការប្រទេសស្វីសនៅថ្ងៃនេះ ដើម្បីស្តាប់ថាតើសំណុំរឿងដែលបានបញ្ចប់អាជីពក្នុងវិស័យបាល់ទាត់ នឹងបញ្ចប់ដោយការលើកលែងទោស ឬផ្តន្ទាទោសពីបទពុករលួយ។ អ្នកទាំងពីរដែលធ្លាប់ជាឥស្សរជន

ដ៏មានឥទ្ធិពលបំផុតក្នុងកីឡាបាល់ទាត់ពិភពលោក នឹងបង្ហាញខ្លួននៅអង្គជំនុំជម្រះសាលាឧទ្ធរណ៍វិសាមញ្ញនៃតុលាការឧក្រិដ្ឋកម្មស្វ៊ីស ពីរឆ្នាំកន្លះបន្ទាប់ពីពួកគេរួចទោស។ រដ្ឋអាជ្ញាសហព័ន្ធស្វ៊ីសបានច្រានចោលការសម្រេចចិត្តនៅតុលាការជាន់ទាបចាប់ពីឆ្នាំ 2022 ដែលនាំទៅដល់សវនាការថ្មីនៅទីក្រុង Muttenz ជិតទីក្រុង Basel។ នៅឆ្នាំ 2022 អ្នកទាំងពីរត្រូវបានសម្រេចឱ្យរួចទោសនៅក្នុងការកាត់ក្តីជុំវិញការបង់ប្រាក់ចំនួន 2 លានហ្វ្រង់ស្វីស (1.6 លានផោន) ផ្តល់ទៅ Michel Platini និងត្រូវបានអនុញ្ញាតដោយ Sepp Blatter ក្នុងឆ្នាំ 2011។ បុរសទាំងពីរនាក់បានបដិសេធថាមិនបានធ្វើខុស ហើយបាននិយាយថាការផ្ទេរប្រាក់នេះ គឺយឺតពេលសម្រាប់ការងារប្រឹក្សារបស់ FIFA ដោយលោក Platini ដែលពីមុនដឹកនាំស្ថាប័នគ្រប់គ្រងបាល់ទាត់អឺរ៉ុប UEFA។ រំលឹកថា បន្ទាប់ពីការស៊ើបអង្កេតដែលបានចាប់ផ្តើមនៅឆ្នាំ 2015 រដ្ឋអាជ្ញាស្វីសបានចោទប្រកាន់ Sepp Blatter និង Michel Platini ពីបទក្លែងបន្លំ។ ក្នុងឆ្នាំ 2015 ដដែល FIFA បានសម្រេចព្យួរការងារបុរសទាំងពីរ ពីកីឡាបាល់ទាត់សម្រាប់ការបំពានក្រមសីលធម៌ សម្រាប់រយៈពេល 8 ឆ្នាំ៕