របួសសសៃពួរបង្ខំឱ្យ Djokovic ដកខ្លួនពីក្រុមវាយកូនបាល់ស៊ែប នៅ Davis Cup

កីឡាករវាយកូនបាល់ស៊ែប Novak Djokovic បានសម្រេចដកខ្លួនចេញពីព្រឹត្តិការណ៍ Davis Cup ជាមួយក្រុម វាយកូនបាល់ស៊ែប នៅពេលជួបក្រុមដាណឺម៉ាក ដោយសាររបួសសសៃពួរ។ ជើងឯក Grand Slam 24 លើករូបនេះ ត្រូវបានអ្នកគាំទ្រមួយចំនួនស្រែកហ៊ោរមិនពេញចិត្តនៅពេលដកខ្លួនក្រោយចាញ់សិតទីមួយ

វគ្គពាក់កណ្តាលផ្តាច់ព្រ័ត្រ Australian Open ទល់នឹង Alexander Zverev ដោយសារបញ្ហារបួស។ កីឡាករវ័យ 37 ឆ្នាំរូបនេះ ក្រោយមកក៏បានបង្ហោះរូបភាពថត MRI បញ្ជាក់ពីស្ថានភាពរបួសសសៃពួរជើងខាងឆ្វេងរបស់ខ្លួន។ ក្រុមវាយកូនបាល់ស៊ែបនឹងត្រូវជួបជាមួយក្រុមដាណឺម៉ាក វគ្គជម្រុះជុំដំបូង Davis Cup ដែលនឹងចាប់ផ្តើមនៅថ្ងៃសុក្រនេះ។ រំលឹកថា Novak Djokovic គឺជាសមាជិករបស់ក្រុមវាយកូនបាល់ស៊ែបដែលឈ្នះជើងឯក Davis Cup តាំងពីឆ្នាំ 2010 នៅពេលយកឈ្នះលើក្រុមបារាំងនៅវគ្គផ្តាច់ព្រ័ត្រ៕