កីឡាករ F1 ជប៉ុន Yuki Tsunoda បង្ហើបគោលដៅដែលក្រុម Red Bull ចង់ឲ្យគេធ្វើ

ប្រធានក្រុមបញ្ជាការប្រកួតរបស់ Red Bull លោក Christian Horner បានកំណត់គោលដៅតែមួយគត់សម្រាប់កីឡាករចំនូលសញ្ជាតិជប៉ុន Yuki Tsunoda សាមញ្ញៗគឺ តាមឱ្យទាន់មិត្តរួមក្រុម Max Verstappen កាន់តែកៀកកាន់តែល្អ។ កីឡាករវ័យ 24 ឆ្នាំរូបនេះត្រូវបានប្រកាសថាជាកីឡាករជំនួស Liam Lawson

កាលពីសប្តាហ៍មុន បន្ទាប់ពីកីឡាករនូវែសេឡង់រូបនេះត្រូវបានកាត់ចេញទៅក្រុមទីពីរក្រោយប្រណាំងបានទើបពីរប្រកួតដំបូងរដូវកាលថ្មីនេះ។ Yuki Tsunoda ត្រូវជាដៃគូជាមួយជើងឯកពិភពលោកបួនសម័យ Max Verstappen ជាលើកដំបូងចុងសប្តាហ៍នេះ នៅពេលកីឡាករជប៉ុនរូបនេះបង្ហាញខ្លួនជាមួយក្រុមថ្មីនៅចំពោះមុខអ្នកគាំទ្រជប៉ុនរបស់ខ្លួនចុងសប្តាហ៍នេះនៅទីលាន Suzuka ប្រទេសជប៉ុន។ ស្របពេល Red Bull កំពុងឈរលេខបីក្នុងតារាងជើងឯកក្រុមស្ថាបនិកក្រោយពីរទីលានដំបូង Yuki Tsunoda បានឱ្យដឹងថាលោក Christian Horner ត្រូវការតែមួយមុខគត់ពីរូបគេ គឺតាមឱ្យទាន់ឱ្យកៀកនឹងមិត្តរួមក្រុម។ ចំណែក Liam Lawson ពីរប្រកួតកន្លងមក ប្រណាំងយកទីចេញដំណើរបានត្រឹមលេខ 18 នៅអូស្រ្តាលី មុនពេលមិនអាចបញ្ចប់ការប្រណាំងបាននៅថ្ងៃអាទិត្យដោយសារភ្លៀងរអិល។ ក្រោយមកនៅទឹកដីចិន បានប្រកួតជម្រុះយកទីចេញដំណើរនៅចុងក្រោយគេ និងបញ្ចប់ការប្រណាំង Sprint Race លេខ 14 និង Grand Prix លេខ 12។ Lawson នៅពេលនេះត្រូវទៅជំនួសតំណែង Yuki Tsunoda នៅក្រុមទីពីររបស់ Red Bull គឺ Racing Bull៕