Khvicha Kvaratskhelia បញ្ជាក់ផ្លូវការថា នឹងចាកចេញពី Napoli

ខ្សែបម្រើស្លាប Khvicha Kvaratskhelia បានបញ្ជាក់ផ្លូវការពីការចាកចេញពីក្លិបអ៊ីតាលី Napoli តាមរយៈការបង្ហោះសារលាអ្នកគាំទ្ររបស់ខ្លួននៅលើបណ្តាញសង្គមនៅថ្ងៃព្រហស្បតិ៍ ខណៈដែលកីឡាករសញ្ជាតិហ្សកហ្ស៊ីនឹងផ្លាស់ទៅកាន់ក្លិបយក្សបារាំង Paris Saint Germain។ គ្រូបង្វឹក Napoli លោក Antonio Conte

បានបញ្ជាក់ក្នុងសន្នសីទសារព័ត៌មានថ្មីៗនេះថា Kvaratskhelia បានស្នើសុំចាកចេញពីក្លិបក្នុងខែមករានេះ។ កីឡាករវ័យ 23 ឆ្នាំដែលនៅសល់កិច្ចសន្យាជាមួយ Napoli ដល់ឆ្នាំ 2027 រូបនេះ ត្រូវបានគេដឹងថា ចាកចេញទៅ PSG ក្នុងតម្លៃផ្ទេរ 70 លានអឺរ៉ូពី Napoli។ Khvicha Kvaratskhelia បានផ្ទេរពីក្លិបក្នុងស្រុក Dinamo Batumi មកកាន់ Napoli នៅឆ្នាំ 2022 ក្នុងតម្លៃ 10 លានអឺរ៉ូប៉ុណ្ណោះ។ កីឡាករវ័យ 23 ឆ្នាំរូបនេះត្រូវបានបោះឆ្នោតជាកីឡាករឆ្នើមបំផុតប្រចាំឆ្នាំ 2022-23 បន្ទាប់ពីជួយ Napoli ឈ្នះជើងឯក Serie A លើកដំបូងក្នុងរយៈពេល 33 ឆ្នាំ តាមរយៈការស៊ុតបញ្ចូលទី 12 គ្រាប់ និង 13 បាល់បញ្ជូនក្នុងចំណោមការបង្ហាញខ្លួន 34 ប្រកួតក្នុងលីគ៕