Leeds ចាំជួប Southampton ឬ West Brom ដណ្ដើមកៅអីឡើងទៅ EPL វិញ

ក្រុមបាល់ទាត់ Leeds United នៅបាំងតែមួយប្រកួតទៀតប៉ុណ្ណោះ នឹងដឹងពីជោគវាសនារបស់ខ្លួនឡើងមកកាន់ ក្របខណ្ឌកំពូលអង់គ្លេស Premier League រឺអត់ ក្រោយយកឈ្នះ Norwich City 4-0 ក្នុងទឹកដីរបស់ខ្លួននៃវគ្គ Play-Off។

បន្ទាប់ពីការប្រកួតដែលគ្មានគ្រាប់បញ្ចូលទីកាលពីថ្ងៃអាទិត្យនៅទឹកដី Norwich ត្រលប់មក

កាន់ទឹកដី​ Elland Road វិញ Leeds បានបើកការនាំមុខតាំងពីនាទីទី 7 ដោយ Ilia Gruev មុនពេលដែល Joel Piroe និង Giorginio Rutter រកបានម្នាក់មួយគ្រាប់ឱ្យ Leeds នាំមុខក្នុងវគ្គទីមួយ 3-0។

នៅវគ្គទីពីរគ្មានអ្វីតបទេសម្រាប់ Norwich បន្ទាប់ពីក្រុមម្ចាស់ផ្ទះបន្ថែមមួយគ្រាប់ទៀតដោយ Crysencio Summerville។

Leeds United នៅពេលនេះមានពេលវេលា 9 ថ្ងៃដើម្បីត្រៀមលក្ខណៈសម្រាប់ការប្រកួតផ្តាច់ព្រ័ត្រដោយនឹងត្រូវជួបជាមួយ Southampton រឺ West Bromwich Albion ដែលនឹងត្រូវជួបគ្នាយប់នេះ បន្ទាប់ពីស្មើគ្នាជើងទីមួយ 2-2។

រំលឹកថា Leeds មានប្រវត្តិមិនល្អឡើយក្នុងការប្រកួតវគ្គ Play-Off ដោយបរាជ័យប្រាំលើកមកហើយ ខណៈដែល Norwich City ស្គាល់បរាជ័យនៅវគ្គ Play-Off លើកដំបូងក្នុងការឈានមកដល់វគ្គ 3 លើក៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com