គ្រូបង្កើតប្រវត្តិសាស្ត្រឲ្យ Leicester លោក Ranieri ប្រកាសចូលនិវត្តន៍

លោក Claudio Ranieri បានប្រកាសចូលនិវត្តន៍ពីអាជីពបាល់ទាត់ហើយ ក្រោយបញ្ចប់រដូវកាលក្របខណ្ឌអ៊ីតាលី Serie A ជាមួយ Cagliari។ បុរសវ័យ 72 ឆ្នាំរូបនេះបានដឹកនាំក្លិបអាជីពសរុប 18 ក្លិបក្នុងរយៈពេលជិត 4 ទសវត្សរ៍បូករួមទាំងការដឹកនាំក្រុមជម្រើសជាតិក្រិកផងដែរ។ ជោគជ័យបំផុតរបស់លោក Claudio Ranieri គឺជាដឹកនាំ

Leicester City ឈ្នះជើងឯក Premier League លើកដំបូងក្នុងប្រវត្តិសាស្រ្តក្លិបនៅរដូវកាល 2015-16។

ចុងក្រោយបំផុតនេះលោក Ranieri បានចំណាយពេលដឹកនាំ Cagliari ដែលលោកបានជួយក្រុមរួចផុតពីការកាត់ចោលរួចហើយ ទោះចាញ់ Fiorentina 3-2 ក្នុងទឹកដីខ្លួនយប់មិញនេះ និងបញ្ចប់រដូវកាល Serie A មុនគេដោយឈរនៅចំណាត់ថ្នាក់លេខ 15 មាន 36 ពិន្ទុ។

លោក Ranieri បានមកកាន់តំណែងនៅ Cagliari នៅខែមករាឆ្នាំ 2023 ដោយនៅពេលនោះក្រុមកំពុងឈរលេខ 12 នៅ Serie B មុនពេលទទួលបានកៅអី Serie A ដោយប្រកួត Play-Off យកឈ្នះ Parma និង Bari។

បុរសសញ្ជាតិអ៊ីតាលីរូបនេះ ក៏ធ្លាប់បានចំណាយពេលដឹកនាំក្លិបធំៗនៅអឺរ៉ុបផងដែរដូចជា Fiorentina, Atletico Madrid, Chelsea, Juventus, Inter Milan និង Monaco ជាដើម៕

ចុះឈ្មោះ និងដាក់ប្រាក់ជាមួយ 188Asia ទទួលបានរង្វាន់ប្រាក់បន្ថែមរហូតដល់ $100 បើកគណនីចុចទីនេះ www.188asia.com