Lewis Hamilton បង្ហាញទំនុកចិត្តលេី Ferrari ក្នុងការប្រជេងជេីងឯក

​ជើងឯក Formula One ពិភពលោក 7 សម័យ Lewis Hamilton បានបង្ហាញពីជំនឿចិត្តរ​បស់ខ្លួនក្នុងការរួមរស់ ជាមួយក្រុមថ្មី Ferrari មុនចាប់ផ្តើមរដូវកាលថ្មី 2025 នៅខែមីនាខាងមុខ។ ​កីឡាករវ័យ 40 ឆ្នាំរូបនេះបានព្រមព្រៀងផ្លាស់ពី Mercedes មកកាន់​ Ferrari កាលពីពាក់កណ្តាលរដូវកាលមុន និងបានបង្ហាញខ្លួន ចុះហត្ថលេខា

ផ្លូវការជាមួយក្រុមប្រណាំងអ៊ីតាលីមួយនេះកាលពីខែមករាកន្លងទៅ។ ​និយាយទៅកាន់អ្នកគាំទ្រក្រោយការបង្ហាញរថយន្តត្រៀមរដូវកាលថ្មី កីឡាករអង់គ្លេសរូបនេះបានឱ្យដឹងថា ការផ្លាស់មកកាន់ Ferrari គឺជាក្តីស្រមៃក្លាយជាការពិត ហើយ Ferrari មានគ្រប់គ្រឿងផ្សំទាំងអស់គ្រប់គ្រាន់ដើម្បីប្រជែងជើងឯករដូវកាលនេះ។ ​កីឡាកររបស់ Ferrari ទាំងពីរ Hamilton និង Charles Leclerc បានចាប់ផ្តើមបើកបររថយន្តឆ្នាំ 2023 និង 2024 របស់ Ferrari រួចរាល់ ហើយរថយន្តទាំងពីរគ្រឿងនេះនឹងត្រូវដឹកបន្តទៅកាន់ទឹកដីបារ៉ែនសម្រាប់ការសាកល្បងផ្លូវការរបស់ F1 នៅចុងខែកុម្ភៈនេះ។ ​រំលឹកថាជិតពីរទសវត្សរ៍ហើយដែល Ferrari មិនមានកីឡាកររបស់ក្រុមឈ្នះជើងឯក F1 ពិភពលោកពោលគឺឈ្នះចុងក្រោយបំផុតនៅឆ្នាំ 2007 ដោយកីឡាករហ្វាំងឡង់ Kimi Raikkonen។ ​Formula One រដូវកាលថ្មី 2025 នឹងចាប់ផ្តើមទីលានដំបូងរបស់ខ្លួនដោយចេញដំណើរពីទីក្រុង Melbourne ប្រទេសអូស្រ្តាលីនៅពាក់កណ្តាលខែមីនាខាងមុខ៕