Luka Doncic ផ្លាស់ទៅ LA Lakers ក្រោយរួមរស់ជាមួយ Dallas រយៈពេល 7 ឆ្នាំ

កំពូលតារាងបាល់បោះស្លូវេនី Luka Doncic បានផ្លាស់មកកាន់ Los Angeles Lakers ផ្លូវការផ្ទេរពី Dallas Mavericks។ កីឡាករវ័យ 25 ឆ្នាំរូបនេះ ដែលបច្ចុប្បន្នកំពុងសម្រាកព្យាបាលរបួសកំភួនជើងនៅឡើយនោះ មានស្ថិតិជាមធ្យមរកបាន 28.1 ពិន្ទុ ក្នុងមួយប្រកួត រួមជាមួយ 8.3 បាល់រីបោន និង 7.8 បាល់បញ្ជូនជាមួយ

Dallas Mavericks តាំងពីផ្លាស់ពី Atlanta Hawks នៅឆ្នាំ 2018។ Luka Doncic តែងតែស្ថិតក្នុងបញ្ជីតារាចម្រុះប្រចាំឆ្នាំ NBA All-Star រយៈពេលប្រាំឆ្នាំចុងក្រោយ និងបញ្ចប់រដូវកាល 2024 កន្លងទៅជាអ្នកបោះបញ្ចូលកន្ត្រកបានពិន្ទុច្រើនជាងគេ ជួយឱ្យ Dallas Mavericks ឡើងវគ្គផ្តាច់ព្រ័ត្រ Play-Off។ ការមកដល់របស់ Luka Doncic ត្រូវបានគេយល់ឃើញថា នឹងក្លាយជាអ្នកស្នងតំណែង LeBron James ខណៈដែលកីឡាករវ័យ 40 ឆ្នាំរូបនេះនៅតែបន្តអាជីពរបស់ខ្លួននៅឡើយ។ ជាមួយនឹងការផ្ទេររបស់ Luka Doncic នេះផងដែរ កីឡាកររបស់ LA Lakers, Anthony Davis ដែលធ្លាប់ឈ្នះជើងឯក NBA នៅឆ្នាំ 2020 ជាមួយក្រុមនោះ បានចាកចេញទៅ Dallas Mavericks វិញ ដែលជាផ្នែកមួយនៃកិច្ចព្រមព្រៀងផ្ទេររបស់ Luka Doncic នេះ៕