Madison Keys ជួប Aryna Sabalenka វគ្គផ្តាច់ព្រ័ត្រ Australian Open

កីឡាការិនីអាមេរិក Madison Keys បានធ្វើឱ្យមានការភ្ញាក់ផ្អើល បន្ទាប់ពីសង្គ្រោះពិន្ទុ Match Point មុនពេលយកឈ្នះកីឡាការិនីលេខពីរពិភពលោក Iga Swiatek ឡើងវគ្គផ្តាច់ព្រ័ត្រ Grand Slam, Australian Open។ ជាជំនួបដ៏តានតឹង និងជក់ចិត្តរវាងកីឡាការិនីទាំងពីរដែលធ្វើឱ្យអ្នកគាំទ្រនៅកីឡដ្ឋាន

Rod Laver Arena សម្លឹងមើលការប្រកួតសឹងតែមិនព្រិចភ្នែក។ ចាប់ផ្តើមសិតដំបូងបានល្អសម្រាប់ Iga Swiatek ដោយបានយកឈ្នះ 7-5 នាំមុខមួយសិតមុន មុនពេលដែល Madison Keys យកឈ្នះសិតបន្ទាប់មិនលំបាក 6-1។ ឈានដល់សិតកាត់សេចក្តីពេញដោយភាពតានតឹង ខណៈការប្រកួតឈានដល់ Tiebreak។ ជើងឯក Grand Slam ប្រាំលើក Iga Swiatek គួរតែឈ្នះការប្រកួតនេះទៅហើយនៅពេលនាំមុខ 6-5 ហើយជាអ្នកចេញសេវាពិន្ទុចុងក្រោយ តែ Madison Keys សង្គ្រោះបាននិងយកឈ្នះហ្គេមនេះ អូសបន្លាយដល់ Tiebreak។ ជាថ្មីម្តងទៀត Iga Swiatek បាននាំមុខក្នុង Tiebreak 7-5 តែ Madison Keys ក៏បានវាយបកយកឈ្នះ 10-8 ធ្វើឱ្យកីឡាការិនីអាមេរិករូបនេះបន្តដំណើរឡើងវគ្គផ្តាច់ព្រ័ត្រ Australian Open នេះជាលើកដំបូងជួបជាមួយអ្នកការពារជើងឯក Aryna Sabelanka។ កីឡាការិនីលេខមួយពិភពលោក Sabalenka មិនតានតឹងឡើយក្នុងការយកឈ្នះកីឡាការិនីអេស្ប៉ាញ Paulo Badosa ដែលជាមិត្តភក្តិជិតស្និតរបស់នាង 6-4 និង 6-2។ Aryna Sabalenka កំពុងចង់ក្លាយជាកីឡាការិនីដំបូងតាំងពី Martina Hingis 26 ឆ្នាំមុនដែលឈ្នះជើងឯក Australian Open បីលើកជាប់គ្នា៕