Man City អាចនឹងគ្មាន Haaland សម្រាប់យុទ្ធនាការ FIFA Club World Cup

ជាដំណឹងអាក្រក់សម្រាប់ក្រុមការពារជើងឯក Manchester City បន្ទាប់ពីខ្សែប្រយុទ្ធជួរមុនរបស់ខ្លួន Erling Haaland ប្រឈមនឹងអវត្តមានដល់ចប់រដូវកាល និង Club World Cup ដោយសាររបួសកជើងពីការប្រកួតទល់នឹង Bournemouth នៅ FA Cup។ កីឡាករន័រវេសរូបនេះ បានដើរចេញពីកីឡដ្ឋាន Vitality

របស់ Bournemouth កាលពីថ្ងៃអាទិត្យជាមួយនឹងឈើច្រត់ បន្ទាប់ពីការរបួសបានមកពីការប្រកួតដែល City ឈ្នះ Bournemouth ឡើងវគ្គពាក់កណ្តាលផ្តាច់ព្រ័ត្រ FA Cup ខណៈអតីតខ្សែប្រយុទ្ធ Dortmund រូបនេះស៊ុតបញ្ចូលទីបានមួយគ្រាប់។ Haaland ដែលបច្ចុប្បន្នស៊ុតបញ្ចូលទីបានលើស 30 គ្រាប់បីរដូវកាលជាប់គ្នានោះ ត្រូវបានក្លិបបញ្ជាក់ថានឹងត្រូវអវត្តមានពីការប្រកួតដែលនៅសល់នៅ Premier League និងកាន់តែបារម្ភទៀតនោះគឺប្រឈមនឹងអវត្តមានពី Club World Cup នៅអាមេរិកផងដែរ។ Manchester City ស្ថិតក្នុងរដូវកាលដ៏អាក្រក់របស់ខ្លួនដោយកំពុងឈរលេខ 5 នៅ Premier League ខណៈដែលនឹងត្រូវទទួល Leicester City យប់ថ្ងៃពុធស្អែក។ អវត្តមានរបស់ Erling Haaland ធ្វើឱ្យអ្នកចាត់ការកាន់តែឈឺក្បាល តែកីឡាកចំនូលថ្មី Omar Marmoush ដែលផ្ទេរពី Frankfurt កាលពីខែមករាក្នុងតម្លៃ 59 លានផោននោះ កំពុងមានទម្រង់លេងល្អដោយស៊ុតបញ្ចូលទីបាន 5 គ្រាប់ ក្នុងការបង្ហាញខ្លួន 8 លើកជាមួយ City ៕