Man Utd គិតខុសឬត្រូវ? Antony ឡេីងជេីងខ្លាំងពេលទៅដល់ Betis

ខ្សែប្រយុទ្ធប្រេស៊ីល Antony ដែលជាកីឡាករខ្ចីជើងពី Manchester United បានស៊ុតបញ្ចូលទីមួយគ្រាប់ទៀត ក្នុងជ័យជំនះ 3-0 របស់ Real Betis នៅទឹកដីប៊ែលហ្ស៊ិក KAA Gent វគ្គ Play-Off រកកៅអីវគ្គ 16 ក្រុមចុងក្រោយ Conference League។ កីឡាករវ័យ 24 ឆ្នាំរូបនេះ ជាអ្នកស៊ុតបញ្ចូលទីបើកការនាំមុខក្នុង

ចំណោមបីគ្រាប់នេះនៅនាទីទី 47 ដើមវគ្គទីពីរ មុនពេលដែល Isco និង Cedric Bakambu បន្ថែមម្នាក់មួយគ្រាប់ទៀត។ កាលពីចុងសប្តាហ៍កន្លងទៅ Antony ក៏រកបានមួយគ្រាប់ដែរ ក្នុងការបង្ហាញខ្លួនឱ្យ Real Betis លើកដំបូងក្នុងបរាជ័យ 2-3 នៅទឹកដី Celta Vigo។ រំលឹកថាកីឡាករវ័យ 24 ឆ្នាំប្រេស៊ីលរូបនេះ បានផ្លាស់មកកាន់ Old Trafford ពីក្លិបហូឡង់ Ajax Amsterdam កាលពីខែសីហាឆ្នាំ 2024 ក្នុងតម្លៃផ្ទេរ 81.3 លានផោន ក្លាយជាកីឡាករថ្លៃបំផុតទីពីរក្នុងប្រវត្តិសាស្រ្តក្លិប បន្ទាប់ពីខ្សែបម្រើបារាំង Paul Pogba។ សូមបញ្ចាក់ថា កិច្ចសន្យាខ្ចីនេះ មិនមានលក្ខខណ្ឌជម្រើសទិញផ្តាច់ឡើយ ខណៈកិច្ចសន្យារបស់ Antony នៅ Old Trafford មានសុពលភាពដល់ឆ្នាំ 2027៕