Manchester Derby៖ United វាយបកយកឈ្នះ City 2-1 នៅ Etihad

Amad Diallo ត្រូវបានចាត់ទុកជាតួអង្គសំខាន់ប្រកួតនេះ បន្ទាប់ពីធ្វើឱ្យមានបាល់ពិន័យ 11 ម៉ែត្រដែលស៊ុតសម្រេចដោយ Bruno Fernandes តាមស្មើនៅនាទីទី 88។ ពីរនាទីក្រោយមក Amad Diallo ដដែលជាអ្នកសម្រេចគ្រាប់បាល់ជ័យជំនះឱ្យ Manchester United នៅនាទីទី 90 ក្រោយទទួលយ៉ាងល្អពី Lisandro Martinez។នេះជាបីពិន្ទុដ៏មានសារៈសំខាន់សម្រាប់ Manchester United ខណៈដែលវិបត្តិនៅ Manchester City កាន់តែផុងជ្រៅ។ សូមបញ្ជាក់ថាក្រុមរបស់លោក Pep Guardiola នៅពេលនេះធ្លាក់ដល់លេខ 5 ក្នុងតារាង បន្ទាប់ពីរកបានជ័យជំនះតែមួយប្រកួតប៉ុណ្ណោះក្នុង 11 ប្រកួតចុងក្រោយគ្រប់ក្របខណ្ឌ៕