McLaren និង Oscar Piastri បន្តកិច្ចសន្យាមុនកំណត់

​កីឡាករប្រណាំង F1 អូស្រ្តាលី Oscar Piastri បានចុះហត្ថលេខារយៈពេលវែងបន្តស្នាក់នៅជាមួយក្រុម F1 ជើងឯកពិភពលោក McLaren។ ​កីឡាករវ័យ 23 ឆ្នាំដែលឈ្នះការប្រណាំង Grand Prix ពីរលើករដូវកាលមុន មានកិច្ចសន្យាចាស់ជាមួយ McLaren ដល់ឆ្នាំ 2026។ ​ជ័យជំនះពីរប្រកួតរដូវកាលមុន បានធ្វើឱ្យ Piastri

ឈរចំណាត់ថ្នាក់លេខ 4 ក្នុងតារាងជើងឯកពិភពលោកក្នុងការបង្ហាញខ្លួននៅ F1 ត្រឹមពីររដូវកាល។ ​លទ្ធផលរបស់ Oscar Piastri និងមិត្តរួមក្រុម Lando Norris បានធ្វើឱ្យ McLaren ឈ្នះជើងឯកពិភពលោកជាលើកដំបូងក្រោយខកខានតាំងពីឆ្នាំ 1998។ ​រំលឹកថា Oscar Piastri ក្រៅពីឈ្នះពីរទីលានរដូវកាលមុន ក៏រួមមានការបញ្ចប់នៅលើវេទិកាកិត្តិយស 8 លើកមានសរុប 292 ពិន្ទុតាមពីក្រោយ Charles Leclerc របស់ Ferrari ដែលមាន 356 ពិន្ទុ ខណៈមិត្តរួមក្រុម​ Lando Norris ជាជើងឯករងនៅពីក្រោម Max Verstappen របស់ Red Bull។ ​រដូវកាលថ្មី 2025 F1 នឹងចេញដំណើរទីលានដំបូងរបស់ខ្លួនចុងសប្តាហ៍នេះនៅទីលាន Albert Park ទីក្រុង Melbourne ប្រទេសអូស្រ្តាលី៕