W16 រថយន្ត​ Formula 1 ថ្មីរបស់ Mercedes បង្ហាញខ្លួនជាផ្លូវការ

ក្រុមប្រណាំង F1 Mercedes បានដាក់បង្ហាញផ្លូវការរថយន្តម៉ូដែល W16 របស់ខ្លួន ដែលជារថយន្តប្រើប្រាស់សម្រាប់រដូវកាលថ្មីជាមួយនឹងកីឡាករអង់គ្លេស George Russell, Andrea Kimi Antonelli និងកីឡាករបម្រុងពេញដោយបទពិសោធ Valtteri Bottas។ Mercedes នឹងចាប់ផ្តើមជីវិតថ្មីដោយមិនមានវត្តមាន

ជើងឯកពិភពលោក 7 សម័យ Lewis Hamilton ដែលចាកចេញពី Ferrari ។ កីឡាករចំនូលថ្មីវ័យត្រឹម 18 ឆ្នាំ Andrea Kimi Antonelli គឺជាអ្នកជំនួសកីឡាករវ័យ 40 ឆ្នាំរូបនេះ។ នាយកបញ្ជាបច្ចេកទេសរបស់ Mercedes លោក Toto Wolff បានបង្ហាញអារម្មណ៍រំភើបរីករាយចំពោះការប្រកួតប្រជែងថ្មី និងកាអភិវឌ្ឍន៍របស់ក្រុមប្រណាំង F1 Mercedes-AMG ជាពិសេសគឺការចង់ឃើញសមត្ថភាពរបស់កីឡាករវ័យក្មេង Andrea Kimi Antonelli។ Mercedes ដែលជាជើងឯកក្រុមស្ថាបនិក F1 8 រដូវកាលជាប់គ្នាចន្លោះឆ្នាំ 2014 ដល់ 2021 បានបញ្ចប់ត្រឹមលេខបួនប៉ុណ្ណោះរដូវកាលមុន។ រដូវកាលថ្មី F1 នឹងចាប់ផ្តើមទីលានដំបូងនៅទីក្រុង Melbourne ប្រទេសអូស្ត្រាលីពាក់កណ្តាលខែមីនាខាងមុខ៕