MotoGP 2025៖ Marc Marquez ឈ្នះនៅទីលានដំបូងប្រចាំរដូវកាល

ជើងឯកពិភពលោក 6 សម័យ Marc Marquez បានចាប់ផ្តើមរដូវកាលថ្មី MotoGP ឆ្នាំ 2025 នេះដោយរលូន បន្ទាប់ពីឈ្នះការប្រណាំងទីលានបើករដូវកាលនៅប្រទេសថៃ។ កីឡាករវ័យ 32 ឆ្នាំរូបនេះ ក៏ជាអ្នកឈ្នះការប្រណាំងយកទីចេញដំណើរកាលពីថ្ងៃសៅរ៍ផងដែរនៅទីលានប្រណាំង Buriram International Circuit ។

ប្អូនប្រុសរបស់ Marquez គឺ Alex Marquez បានវ៉ាជែងបងប្រុសរបស់ខ្លួនឡើងនាំមុខនៅជុំទី 26 តែបងប្រុសក៏បានវ៉ានាំមុខវិញពេលនៅសល់បីជុំទៀតចប់ការប្រកួត និងបន្តរក្សាការនាំមុខរហូតដល់ទីព្រ័ត្រ ដើម្បីឈ្នះការប្រណាំងបើករដូវកាលលើកដំបូងតាំងពីឆ្នាំ 2024។ ជើងឯកពិភពលោកពីរសម័យ Francesco Bagnaia មិត្តរួមក្រុម Ducati របស់ Marc Marquez មកដល់ទីព្រ័ត្រចំណាត់ថ្នាក់លេខបីពីក្រោយ Alex Marquez ដើម្បីតំណែងចុងក្រោយលើវេទិកាកិត្តិយស។ នេះជាជ័យជំនះការប្រណាំង MotoGP លើកទី 112 សម្រាប់ Marc Marquez តាមស្មើកំណត់ត្រារបស់ Dani Pedrosa។ Marc Marquez នៅពេលនេះកាន់ 37 ពិន្ទុក្នុងតារាងជើងឯកនាំមុខ Alex Marquez 8 ពិន្ទុ និងនាំមុខលេខបី Bagnaia 14 ពិន្ទុ។ ទីលានបន្ទាប់ MotoGP នឹងធ្វើដំណើរវែងឆ្ងាយទៅកាន់ទឹកដីអាមេរិកឡាទីនអាហ្សង់ទីនពាក់កណ្តាលខែមីនានេះ៕