Neil Robertson គ្រងជើងឯកស្នូកឃ័រ World Grand Prix ក្រោយយកឈ្នះ Stuart Bingham

កីឡាករស្នូកឃ័រអូស្រ្តាលី Neil Robertson រកបានជ័យជំនះដ៏កម្រនៅវគ្គផ្តាច់ព្រ័ត្រលើកីឡាករអង់គ្លេស Stuart Bingham ដើម្បីគ្រងជើងឯកការប្រកួតពានរង្វាន់ World Grand Prix ជាលើកទីពីរក្នុងអាជីព។ Neil Robertson បានយកឈ្នះទាំង 8 ហ្វ្រេមនៅក្នុងដំណាក់កាលដំបូង និងបានយកឈ្នះពីរហ្វ្រេមទៀតនៅ

ដំណាក់កាលទីពីរសរុប 10-0 ហ្វ្រេម ខណៈអតីតជើងឯកពិភពលោក Stuart Bingham ស្គាល់បរាជ័យដ៏កម្រនៅវគ្គផ្តាច់ព្រ័ត្រដែលរៀបចំនៅទីក្រុងហុងកុង។ នេះជាជើងឯកទី 25 សម្រាប់កីឡាករវ័យ 43 ឆ្នាំ Neil Robertson ដែលធ្វើឱ្យគេរំកិលឡើងមកឈរលេខ 7 ពីលើ Mark Selby ក្នុងតារាងកីឡាករដែលឈ្នះជើងឯកច្រើនបំផុតក្នុងអាជីព។ ជើងឯក World Grand Prix ដែលរៀបចំនៅក្រៅចក្រភពអង់គ្លេសលើកដំបូងនេះ Neil Robertson ទទួលបានប្រាក់រង្វាន់ 18 ម៉ឺនផោន និងរំកិលពីលេខ 19 មកលេខ 11 ពិភពលោក ហើយនឹងទទួលបានកៅអីសម្រាប់ការប្រកួតជើងឯកពិភពលោកឆ្នាំនេះផងដែរ។ ឆ្នាំមុន Robertson ខកខានមិនបានចូលរួមជើងឯកពិភពលោកជាលើកដំបូងតាំងពីឆ្នាំ 2004 បន្ទាប់មានចំណាត់ថ្នាក់ចេញក្រៅពី World Top16៕