ពានស្នូកឃ័រ Players Championship៖ អ្នកការពារជើងឯក Mark Allen ធ្លាក់តាំងពីជុំដំបូង

អ្នកការពារតំណែងជើងឯក Mark Allen បានធ្លាក់ចេញពីការប្រកួតស្នូកឃ័រពានរង្វាន់ Players Championship ហើយក្រោយរងបរាជ័យក្រោមស្នាដៃ Kyren Wilson នៅជុំដំបូង។ ការប្រកួតនៅ Telford International Centre កីឡាករលំដាប់លេខពីរពិភពលោក Kyren Wilson ចាប់ផ្តើមការប្រកួត

ជាមួយនឹងការនាំមុខ 3-1 ហ្វ្រេមលើ Mark Allen នៅដំណាក់កាលដំបូង។ នៅដំណាក់កាលទីពីរ កីឡាករអៀកឡង់ខាងជើង Mark Allen ក៏វាយបកតាមស្មើវិញ 3-3 ហ្វ្រេម។ Kyren Wilson ថ្វីបើឈ្នះការប្រកួតនេះ តែនេះមិនមែនជាការប្រកួតដ៏ល្អរបស់ខ្លួនឡើយ តែ Mark Allen ខ្លួនឯង មិនអាចឆក់យកឱកាសនេះបាន ធ្វើឱ្យកីឡាករអង់គ្លេសជើងឯកពិភពលោក Kyren Wilson យកឈ្នះបីហ្វ្រេមបន្ទាប់។ Kyren Wilson នឹងបន្តជួបជាមួយកីឡាករវែលស៍ Mark Williams នៅវគ្គ 8 នាក់ចុងក្រោយ បន្ទាប់ពីកីឡាករលំដាប់លេខ 5 ពិភពលោករូបនេះ យកឈ្នះកីឡាករចិន Ding Junhui 6-2 ហ្វ្រេម៕