Real Betis ខ្ចីជេីង Antony ពី Manchester United ដល់ដាច់រដូវកាល

ខ្សែប្រយុទ្ធស្លាប Man Utd, Antony បានទៅក្លិបអេស្ប៉ាញ Real Betis ហើយនៅក្នុងកិច្ចសន្យាខ្ចី ដល់ចប់រដូវកាល។ ​កីឡាករវ័យ 24 ឆ្នាំប្រេស៊ីលរូបនេះ បានផ្លាស់មកកាន់ Old Trafford ពីក្លិបហូឡង់ Ajax Amsterdam កាលពីខែសីហាឆ្នាំ 2022 ក្នុងតម្លៃផ្ទេរ 81.3 លានផោន ក្លាយជាកីឡាករថ្លៃបំផុតទីពីរក្នុង

ប្រវត្តិសាស្រ្តក្លិប បន្ទាប់ពីខ្សែបម្រើបារាំង Paul Pogba។ ​Antony បង្ហាញខ្លួនបាន 86 ប្រកួត ស៊ុតបញ្ចូលទីបាន 12​ គ្រាប់ តែរកបានមួយគ្រាប់ប៉ុណ្ណោះនៅ Premier League រាប់ពីខែមេសាឆ្នាំ 2023។ ​ប្រភពព័ត៌មានពី United ឱ្យដឹងថា ក្លិបរ៉ាប់រងប្រាក់ឈ្នួល 84% ខណៈដែលលកីឡាករវ័យ 24 ឆ្នាំរូបនេះ មានតម្លៃពលកម្មជាង 10 ម៉ឺនផោនក្នុងមួយសប្តាហ៍។ ​កិច្ចសន្យាខ្ចីនេះ មិនមានលក្ខខណ្ឌជម្រើសទិញផ្តាច់ឡើយ ខណៈកិច្ចសន្យារបស់ Antony នៅ Old Trafford មានសុពលភាពដល់ឆ្នាំ 2027។ ​Antony ចាប់ផ្តើមការងារនៅ Manchester United បានល្អ ដោយរកបានបីគ្រាប់បីប្រកួតដំបូងនៅ Premier League ក្រោមការដឹកនាំរបស់ Erik ten Hag។ ​យ៉ាងណាក្តី Antony មិនមានពេលវេលាលេងគ្រប់គ្រាន់ឡើយរដូវកាលនេះ ដោយបង្ហាញខ្លួនបានត្រឹម 13 ប្រកួតប៉ុណ្ណោះក្នុង 33 ប្រកួតគ្រប់ក្របខណ្ឌ៕