កីឡាកររុស្ស៊ី Andrey Rublev យកឈ្នះជើងខ្លាំងអង់គ្លេស គ្រងជើងឯក Qatar Open

កីឡាករវាយកូនបាល់រុស្ស៊ី Andrey Rublev បានគ្រងជើងឯកការប្រកួតកម្មវិធី Qatar Open ក្រោយវាយបកយកឈ្នះកីឡាករលេខមួយរបស់ចក្រភពអង់គ្លេស Jack Draper នៅវគ្គផ្តាច់ព្រ័ត្រ។ Jack Draper ដែលស្វែងរកពាននៅ ATP លើកទីបីក្នុងអាជីព បានយកឈ្នះសិតដំបូង 7-5 មុនពេល កីឡាករចំណាត់ថ្នាក់លេខ

ប្រាំដែលធ្លាប់ឈ្នះជើងឯកនៅទីនេះ កាលពីឆ្នាំ 2020 Andrey Rublev វាយបកយកឈ្នះវិញពីរសិតផ្ទួនៗ 7-5 និង 6-1 ។ នេះជាជើងឯកដំបូងសម្រាប់ Andrey Rublev ក្នុងរយៈពេលជិតមួយឆ្នាំ បន្ទាប់ពីឈ្នះចុងក្រោយនៅកម្មវិធី Madrid Open ខែមេសាឆ្នាំមុន។ Jack Draper បានត្រឹមខកចិត្តនៅវគ្គផ្តាច់ព្រ័ត្រ ខកចិត្តមិនបានជើងឯក ATP លើកទីបី បន្ទាប់ពីឈ្នះពីរលើកមុន នៅ Stuttgart ប្រទេសអាល្លឺម៉ង់ និងនៅ Vienna ប្រទេសអូទ្រីស តែកីឡាករវ័យ 23 ឆ្នាំរូបនេះ ត្រឹមជាជើងឯកនឹងរុញគេឡើងមកឈរលេខ 12 ពិភពលោក ជាចំណាត់ថ្នាក់ល្អបំផុតក្នុងអាជីពរបស់ខ្លួន៕