បុរស 3 នាក់ ជាប់គុក ដោយសារគំរាមទារប្រាក់ពីអតីតជើងឯក F1 Michael Schumacher

បុរសបីនាក់ត្រូវបានកាត់ទោសដោយតុលាការអាឡឺម៉ង់ពីបទព្យាយាមបង្ខូចកេរ្តិ៍ឈ្មោះគ្រួសាររបស់អតីតជើងឯក Formula 1 ពិភពលោក Michael Schumacher។ Yilmaz T វ័យ 53 ឆ្នាំ ត្រូវបានកាត់ទោសឱ្យជាប់ពន្ធនាគាររយៈពេល 3ឆ្នាំពីបទគំរាមកំហែងបង្ហោះរូបថតផ្ទាល់ខ្លួនចំនួន 900 សន្លឹក និងជិត 600 វីដេអូ

រួមជាមួយទិន្នន័យវេជ្ជសាស្រ្តសម្ងាត់ទៅកាន់គេហទំព័រងងឹត លុះត្រាតែគ្រួសារ Schumacher បង់ប្រាក់ 15លានអឺរ៉ូ។ កូនប្រុសអាយុ 30 ឆ្នាំរបស់ Yilmaz T ត្រូវបានផ្តន្ទាទោសព្យួររយៈពេល 6 ខែពីបទជួយ និងជំរិតទារប្រាក់។ អតីត សន្តិសុខ នៅ ផ្ទះ របស់ Schumacher ដែល បដិសេធ ការ ជាប់ ពាក់ព័ន្ធ ណា មួយ បាន ទទួល ទោស ព្យួរ រយៈពេល ពីរ ឆ្នាំផងដែរ។ Michael Schumacher មិនត្រូវបានគេឃើញជាសាធារណៈទេចាប់តាំងពីឧបទ្ទវហេតុជិះស្គីឆ្នាំ 2013 ដែលបណ្តាលឱ្យមានរបួសខួរក្បាលធ្ងន់ធ្ងរ ខណៈគ្រួសារបានរក្សាស្ថានភាពសុខភាពរបស់ Schumacher ជាឯកជន។ ឪពុក និងកូនដែលត្រូវបានដាក់ទោសនោះ បានសារភាពទទួលកំហុសពីការចោទប្រកាន់ភាគច្រើន ហើយ Yilmaz T ដែលជាឪពុកបានប្រាប់តុលាការថា អ្វីដែលគាត់បានធ្វើគឺ “គួរឱ្យស្អប់ខ្ពើមខ្លាំងណាស់”។ បច្ចុប្បន្នវ័យ 56 ឆ្នាំ Michael Schumacher គឺជាកីឡាករប្រណាំងរថយន្តដ៏ជោគជ័យម្នាក់ក្នុងប្រវត្តិសាស្រ្ត F1 ដោយធ្លាប់ឈ្នះជើងឯកពិភពលោក 7 សម័យជាមួយ Ford មួយលើក Renault មួយលើក និងប្រាំលើកជាមួយ Ferrari៕