កីឡាករលេខ 1 ពិភពលោក Jannik Sinner ឡេីងវគ្គ 1/4 Australian Open

កីឡាករលេខមួយពិភពលោក Jannik Sinner បានស៊ូទ្រាំនឹងសីតុណ្ហភាពក្តៅដោយយកឈ្នះគូប្រកួតដាណឺម៉ាក 6-3 3-6 6-3 និង 3-2។ ជុំបន្ត Sinner នឹងត្រូវជួបជាមួយកីឡាករម្ចាស់ផ្ទះ Alex de Minaur ដែលជាកីឡាករអូស្រ្តាលីចុងក្រោយនៅសល់មកដល់វគ្គនេះ។ Alex de Minaur បានយកឈ្នះកីឡាករអាមេរិក Alex Michelsen 6-០ 7-6(7-5) និង 6-7 ដើម្បីឡើងវគ្គ 8 នាក់ចុងក្រោយ Australian Open លើកដំបូង។ ងាកមកផ្នែកនារីវិញ កីឡាករប៉ូឡូញ Iga Swiatek បានយកឈ្នះកីឡាការិនីអាល្លឺម៉ង់ Eva Lys 6-0 និង 6-1។ ជើងឯក Grand Slam ប្រាំលើករូបនេះ មិនមានការប្រកួតល្អឡើយនៅ Australian Open ឆ្នាំនេះ ដោយទោះបីឡើងមកដល់វគ្គនេះក៏ពិតមែន តែនាងបានចាញ់ 10 ហ្គេមរួចមកហើយក្នុងជ័យជំនះរបស់ខ្លួន។ យ៉ាងណាក្តីវគ្គ 16 នាក់ចុងក្រោយនេះ Iga Swiatek បានបង្ហាញភាពខ្លាំងរបស់ខ្លួនដោយចំណាយពេលមិនដល់មួយម៉ោងឡើយដើម្បីយកឈ្នះ Eva Lys ដែលឈរលេខ 128 ពិភពលោក។ ជុំបន្តកីឡាការិនីលេខពីរពិភពលោក Iga Swiatek នឹងត្រូវជួបជាមួយកីឡាការិនីអាមេរិក Emma Navarro៕